زعلانه

[*شمس الحب*]

السلام عليكم اشحالكم خواتي ... كل عام وانتوا بخير وانشالله ايامكم كلها اعياد انشالله ... والله يابنات انا تعبت من المشاكل كل يوم مشكله حتى العيد ما احس بفرحته والسبه امي وابوي كله ضرابه وزعل حتى جبدي لاعت شي اسمه البيت كله ابى اظهر ولا ارد البيت ما اعرف شو اسوي اتخيلوا باجر عيد وهم من الصبح ضرابه راسي عورني من المشاكل اف بس والله ما عندي حد اشكيله همي ولوعت قلبي في عيشتي في البيت بس الله كريم ويرزقني بولد الحلال انشالله السموحه اذا ثقلت عليكم في الكلام بس ابى حد يريحيني من الهم الله ايشل عنكم الهم والغم انشالله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سكون دبي]

الله يعينج أختي ويعينا نفس الحال والحمدلله

[ضبيه-]

الله يعينكم ويهدي اهاليكم ان شاء الله

[القمر 2002]

والله الخير عندج وعندنا بس مب امي وابوووي بين الاخوان

تمي في حجرتج وطنشي الي يصيير الله كريم

[أم مغاوي]

تصبري هذا ابوج

صلي وادعي ربي يهديهم يارب


حاسه فيج الكثير منا عانا من هالامور


انا عانيت في صغري

الله يهدي هلج ويصلح حالهم يارب

[أحلى_راك]

أحسن طريقه ومجربه من تسمعين النزاعه بدات شغلي قرآن خليه تقريبا ساعه او اكثر وعلي صوته صدقيني حتى ويهم بيتغير اول ما يسمعونه وتمي جذه وبتشوفي الفرق ان شاء الله

[...(مريّة)...]

البيوت ما تخلى من المشاكل حبوبة ،
ادعي الله يهدي سرهم ويسعدهم . .

[عتووقه]

الله يهديهم ,,, أدعيلهم لغاليه بالهدااايه وشغلي ..
أية البقره ,,, ف البيت عشان تخف المشااكل ...

[angle girl]

الحال من بعضه حبيبتي *_*


الله يفرجها علينا !

[راعية الود]

ومن قاالج ان في بيت ولد الحلال مابتكون فيه مشاكل انا صراحة استغرب من البنات اللي يتحسبن ان الحل الوحيد اللي من خلاله يرومن يشردن من المشاكل عن طريق الزواج ترا هالفكرة غلط وفعلا مافي بيت يخلو من المشاكل وانتي عشان تريحين عمرج اذا شفتي ابوج وامج يتضاربون روحي اي مكان ثاني طبيعي بتتضايجين وبتزعلين عسب جيه حاولي في هالمواقف انج تبتعدين عسب ماتتأثرين وترا اذا ابوج وامج تضاربوا عقب بيتراضون والله يهديهم

[كاروهات]

حبوبه حاولي تصلحين من بينهم .. رمسي امج بروحها
ورمسي ابوج بروحه .. وشوفي شو سبب الخلاف ..
وحاولي تصلحين من بينهم .. وان ما رمتي ..
ادعيلهم في صلاتج .. وربج كريم ،،

[حزن قلبي]

الله يعينكم ويهدي اهاليكم ان شاء الله

[يغار الحلا]

السلام عليكم..


ف كل البيوت مشاااكل ..

بس ادعي لهم بالهدايه وحاولي تصليح بينهم ..

وقولي لا امج لازم تحاول تساير ابوج ولا ابوج نفس الكلام يعني حاولي انتي ..

والله يوفقكم يارب ..

[*شمس الحب*]

مشكورين فديتكم
على الردود

[*شمس الحب*]

بس انا تعبت منهم كل ما اراضيهم يرجعون فا اخليهم على راحتهم